La perle de culture de Tahiti, le joyau de notre fenua

Te mau parau api

Parau faaâra

Vous êtes ici : Portail du gouvernement > > Te mau parau api > Parau faaâra > Apooraa nô te poe mâtietie : te mau ‘avei’a mâtâmua

Apooraa nô te poe mâtietie : te mau ‘avei’a mâtâmua

Ua tupu, i te mahana pae 29 nô mê, i raro a’e i te arata’i raa a te Faaterehau o te mau hotu moana, o tei haaputuputu i te tâ’ato’araa o te mau ‘aito o te toro’a poe no te tuatâpapa i te mau niu e au no te faati’a faahou i te roo o te poe mâtietie.
Tauâ mau taata nei, o tei ore roa na i nehenehe e ‘âparau ‘âmui, o tei tu’ati i teie mahana, e te tutava i roto i te hô’ê tomite pairati e o te haamau, amui e te faatereraa hau no te mau hotu moana, te mau faaoti raa pâpû, no teie nei e, no ananahi.

Ua haapâpû a’ena te faaterehau Teva Rohfritsch, ua faarii te mau fare moni e faataime i te mau faaho’i raa târahu a te mau taata toro’a poe, no te hô’ê roa raa 12 ava’e, nô te mea te ‘ite mai ra râtou e ‘ua tû te tâato’a raa nô te hô’ê taui-faa’âpî-raa.

I te pae o te Hau fenua, e matutu O ia, mai te faaô raa mai te mau huero pâtia, e tae roa i te taime o tô na tapihoo raa i ni’a i te mâtete o te ao nei.

Te titi’a raa poe i te vâhi Hô’ê



I roto i te mau ‘avei’a i faahiti hia, a tahi te faahepo raa ei parau faati’a no te poro’i raa huero pâtia e aore râ e faahepo hia te tai’o o te pârau e pâtia hia ia-au i te rahi o te tuhaa tairoto e fatu hia e te taata pârau.

Te piti, e faahepo hia ‘ia haaputu mai te tâato’a raa o te poe i te pû hi’opo’a raa e titi’a raa. E fare teie, e mana’o hia ra e te faaterehau, e rave rû hia, i roto ato’a i te râ fare e horo’a hia ai tô na taipe na reira te teitei o tô na faufaa.

I te pae o te tapihoo raa, e haamau hia te pâtana nâ te mau ‘ona hoo poe, te fâ o te tinei roa raa ia i te mau tapihoo raa ‘oviri o tei tu’ino roa na i te roo o tâ tâtou poe.

Are’a no te tute i ni’a i te hâpono raa poe DSPE, ua faa-haa-mana’o te faaterehau, i te “nevaneva” o te faaoti raa, i rave hia e te faatere raa tahito, e faataime i te râ tute. Taa’ê atu ai te faaoti raa e rave hia e te Apooraa Too Iva a te Repûpirita, ua matara te tau’a-parau-raa no te faaoti i te tuhaa e amo hia e te mau ‘ona poe no te mau faatiani raa i tâ tâtou poe mâtietie na te ara.

E inaha, e haapa’âri hia te mau hi’opo’a raa i te tahua manureva no Tahiti Faa’a.

Visitez :
www.presidence.pf


Ministère des ressources maritimes

Immeuble Te Fenua - Rue Dumont D'Urville
Tél : (689) 54 95 75
Fax : (689) 45 43 43
secretariat@maritime.min.gov.pf

A visiter

Pour plus d'information